ഇന്റർ മിലാനെതിരെ നേടിയ തകർപ്പൻ 5-0 വിജയത്തിലൂടെ പിഎസ്ജി അവരുടെ കന്നി യുവേഫ ചാമ്പ്യൻസ് ലീഗ് കിരീടം ഉറപ്പിച്ചതിന് പിന്നാലെ, ക്ലബ് ഒടുവിൽ തങ്ങളുടെ ദീർഘകാല അഭിലാഷങ്ങൾ എല്ലാം പൂർത്തീകരിച്ചെന്ന് മാനേജർ ലൂയിസ് എൻറിക്വെ പ്രഖ്യാപിച്ചു.
“പിഎസ്ജി ക്യാമ്പിലെ എന്റെ ആദ്യ ദിവസം, ഇന്നത്തേക്കാൾ മോശമായിരുന്നു അന്ന് എന്റെ ഫ്രഞ്ച്. പക്ഷേ ഒരു പരിശീലകൻ എന്ന നിലയിൽ എന്റെ പരമമായ ലക്ഷ്യം ട്രോഫി കാബിനറ്റ് നിറയ്ക്കുക എന്നതായിരുന്നു എന്ന് ഞാൻ അന്ന് പറഞ്ഞു,” എൻറിക്വെ പറഞ്ഞു.
“ചാമ്പ്യൻസ് ലീഗ് മാത്രമായിരുന്നു ഞങ്ങൾക്ക് നേടാൻ ആകാതിരുന്നത്. ഞങ്ങൾ ആ ലക്ഷ്യം പൂർത്തീകരിച്ചു. ഞങ്ങൾ ലക്ഷ്യബോധമുള്ളവരായിരുന്നു, ഞങ്ങൾ അത് നേടി.” അദ്ദേഹം പറഞ്ഞു.