കോൺകാഫ് ചാമ്പ്യൻസ് കപ്പ് ക്വാർട്ടർ ഫൈനലിന്റെ ആദ്യ പാദത്തിൽ മെസ്സിയുടെ ഇന്റർ മയാമി LAFC യോട് 1-0 ന് തോറ്റു. ഇന്റർ മിയാമിയുടെ ഈ സീസണിലെ ആദ്യ തോൽവിയാണിത്. ഹാവിയർ മഷെറാനോയുടെ കീഴിൽ മയാമിയുടെ 14 മത്സരങ്ങളുടെ അപരാജിത കുതിപ്പിനാണ് അവസാനമായത്.
57-ാം മിനിറ്റിൽ ഓർഡാസ് ആണ് വിജയ ഗോൾ നേടിയത്. അടുത്ത ആഴ്ച ചേസ് സ്റ്റേഡിയത്തിൽ നടക്കുന്ന രണ്ടാം പാദത്തിൽ തിരികെ വരാം എന്നാകും മയാമിയുടെ പ്രതീക്ഷ. ലയണൽ മെസ്സി 90 മിനിറ്റും മുഴുവൻ കളിച്ചെങ്കിലും തന്റെ ടീമിന് ഇന്ന് രക്ഷിക്കാൻ കഴിഞ്ഞില്ല.