ബൊറൂസിയ ഡോർട്ട്മുണ്ടിനെതിരെ ചാമ്പ്യൻസ് ലീഗ് 5-2ന് വിജയത്തിനിടയിൽ തുടയ്ക്ക് പരിക്കേറ്റതിനാൽ റയൽ മാഡ്രിഡ് ഫോർവേഡ് റോഡ്രിഗോ ശനിയാഴ്ച ബാഴ്സലോണയ്ക്കെതിരായ ലാ ലിഗ പോരാട്ടത്തിൽ കളിക്കില്ല. തുടയിൽ കടുത്ത വേദന അനുഭവപ്പെട്ടതിനെ തുടർന്ന് 85-ാം മിനിറ്റിൽ ബ്രസീൽ താരം പകരക്കാരനായി കളം വിട്ടിരുന്നു.
ഹെഡ് കോച്ച് കാർലോ ആൻസലോട്ടി മത്സരശേഷം പരിക്ക് സ്ഥിരീകരിച്ചു. മെഡിക്കൽ സ്കാൻ കഴിഞ്ഞാലെ റോഡ്രിഗോയുടെ പരിക്കിൻ്റെ വ്യാപ്തി സ്ഥിരീകരിക്കാൻ ആകു. നവംബറിലെ അന്താരാഷ്ട്ര ഇടവേളയ്ക്ക് ശേഷമെ ഇനു റോഡ്രിഗോ തിരികെയെത്താൻ സാധ്യതയുള്ളൂ.
13 മത്സരങ്ങളിൽ നിന്ന് മൂന്ന് ഗോളുകളും രണ്ട് അസിസ്റ്റുകളും നേടിയ റോഡ്രിഗോ ഈ സീസണിൽ റയൽ മാഡ്രിഡിനായി നല്ല ഫോമിലാണ്.