കേരള ബ്ലാസ്റ്റേഴ്സ് കോച്ച് റെനെ മുളൻസ്റ്റീൻ പുറത്ത് പോയതിനു തൊട്ടു പിന്നാലെ നോർത്ത് ഈസ്റ്റ് യുണൈറ്റഡ് തങ്ങളുടെ കോച്ച് ജാവോ ഡി ഡിയസിനെ പുറത്താക്കി. പോയിന്റ് പട്ടികയിൽ ഡൽഹിക്ക് തൊട്ടുമുകളിൽ ഒൻപതാം സ്ഥാനത്ത് ആയതോടെയാണ് നോർത്ത് ഈസ്റ്റ് കോച്ചിനെ പുറത്താക്കാൻ തീരുമാനിച്ചത്. കോച്ചിനോപ്പം സഹ പരിശീലകനായിരുന്ന ജോ പിനോയെയും ക്ലബ് പുറത്താക്കിയിട്ടുണ്ട്. ഗോൾ കീപ്പർ കോച്ച് ജോസഫ് സിദ്ദി താൽകാലികമായി ടീമിന്റെ ചുമതല ഏറ്റെടുത്തിട്ടുണ്ട്.
7 മത്സരങ്ങളിൽ നിന്ന് ഒരു വിജയം മാത്രമാണ് നോർത്ത് ഈസ്റ്റിനു ഇതുവരെ നേടാനായത്. 5 മത്സരം നോർത്ത് ഈസ്റ്റ് പരാജയപ്പെട്ടപ്പോൾ ഒരു മത്സരം സമനിലയിലാവസാനിക്കുകയായിരുന്നു. 7 മത്സരങ്ങളിൽ നിന്ന് വെറും 2 ഗോൾ മാത്രം നേടിയതും ഡിയസിന്റെ പുറത്താക്കൽ വേഗത്തിലാക്കി. മികച്ച ആക്രമണ ഫുട്ബോൾ വാഗ്ദാനം ചെയ്ത് നോർത്ത് ഈസ്റ്റിനെ പരിശീലിപ്പിക്കാൻ ഇറങ്ങിയ ഡയസിന് വിജയം നേടിക്കൊടുക്കാൻ കഴിഞ്ഞിരുന്നില്ല.
കൂടുതൽ കായിക വാർത്തകൾക്ക് : www.facebook.com/FanportOfficial
