റൊണാൾഡ് കൂമാൻ ഹോളണ്ട് ദേശീയ ടീം പരിശീലകൻ

ഹോളണ്ട് ദേശീയ ടീമിനെ ഇനി റൊണാൾഡ് കൂമാൻ പരിശീലിപ്പിക്കും. മുൻ ഹോളണ്ട്, സൗത്താംപ്ടൻ പരിശീലകനായ കൂമാൻ ഒക്ടോബറിലാണ് എവർട്ടൻ പരിശീലക സ്ഥാനത് നിന്ന് പുറത്താക്കപ്പെടുന്നത്. നാലര വർഷത്തെ കരാറിലാണ് മുൻ ഹോളണ്ട് ദേശീയ താരം കൂടിയായ കൂമാനെ നിയമിച്ചിട്ടുള്ളത്. 2020 ലെ യൂറോകപ്പ്, 2022 ലോകകപ്പ് എന്നിവയ്ക്കായി ടീമിനെ ഒരുക്കുക എന്നതാവും അദ്ദേഹത്തിന്റെ ദൗത്യം. കഴിഞ്ഞ യൂറോ കപ്പിലും, വരാനിരിക്കുന്ന ലോകകപ്പിലും യോഗ്യത നേടാനാവാതെ പോയ ഓറഞ്ച് പട അവരുടെ സമീപ കാല ചരിത്രത്തിലെ ഏറ്റവും മോശം ഫോമിലാണ് ഉള്ളത്.

ഇതിഹാസ താരങ്ങളായ വാൻ പേഴ്സി, റോബൻ, സ്നൈഡർ എന്നിവർക്ക് പ്രായം കൂടിയതോടെ വളർന്ന് വരുന്ന യുവ നിരയെ ഉൾപ്പെടുത്തി ടീം ഉണ്ടാകുക എന്നത് തന്നെയാവും കൂമാൻ നേരിടുന്ന പ്രധാന വെല്ലുവിളി. ഡിക് അഡ്വകാറ്റിന് പിന്ഗാമിയായാണ് കൂമാൻ സ്വന്തം നാട്ടിൽ തിരിച്ചെത്തുന്നത്. ഹോളണ്ടിനായി 78 തവണ കളിച്ച കൂമാൻ രാജ്യത്തിനായി 1988 ലെ യൂറോ കപ്പും നേടിയിട്ടുണ്ട്. പക്ഷെ എവർട്ടനിൽ അവസാന സീസണിൽ മോശം പ്രകടനം നടത്തിയ കൂമാന് സ്വന്തം പേര് നില നിർത്തുക എന്നതും പുതിയ ജോലിയിൽ വെല്ലുവിളിയാവും.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleകേരള ബ്ലാസ്റ്റേഴ്സിന് നന്ദി പറഞ്ഞ് ധീരജ് സിങ് യാത്ര തിരിച്ചു
Next articleU15 ഐലീഗ്; മിനേർവ പഞ്ചാബ് vs ഡി എസ് കെ ശിവാജിയൻസ് ഫൈനൽ