എതിരില്ലാത്ത ഒരു ഗോളിന് കെങ്ക്രെയെ വീഴ്ത്തി നെറോക്ക എഫ്സി റിലഗെഷൻ സോണിൽ നിന്നുള്ള അകലം വർധിപ്പിച്ചു. സ്വന്തം തട്ടകത്തിൽ നടന്ന മത്സരത്തിൽ ജോർദൻ ഫ്ലെച്ചറുടെ ഗോൾ ആണ് നെറോക്കക് തുണയായത്. ഇതോടെ നെറോക്ക പോയിന്റ് പട്ടികയിൽ എട്ടാം സ്ഥാനത്തേക്ക് കയറി. കെങ്ക്രെ പതിനൊന്നാമത് തുടരുകയാണ്.
നെറോക്കക് തന്നെ ആയിരുന്നു തുടക്കം മുതൽ മുൻതൂക്കം. പതിനൊന്നാം മിനിറ്റിൽ ഫ്ലെച്ചറുടെ ഒരവസം കെങ്ക്രെ പ്രതിരോധം തടുത്തു. ആദ്യ പകുതിക്ക് പിരിയുന്നതിന് മുൻപ് കെങ്ക്രെക്ക് വേണ്ടി ബോംസോംലഗ വല കുലുക്കിയെങ്കിലും ഓഫ്സൈഡ് വിധിച്ചിരുന്നു. അറുപതാം മിനിറ്റിൽ മത്സരത്തിലെ നിർണായക ഗോൾ എത്തി. കമോയുടെ പാസ് പിടിച്ചെടുത്തു എതിർ പ്രതിരോധത്തെ മറികടന്ന് ഫ്ലെച്ചർ ആണ് ഗോൾ വല കുലുക്കിയത്. പിന്നീട് എഴുപതിയെട്ടാം മിനിറ്റിൽ നെറോക്കക് തിരിച്ചടി നൽകി ജോൺസൻ സിങ് ചുവപ്പ് കാർഡ് കണ്ടു പുറത്തു പോയെങ്കിലും ഗോൾ വഴങ്ങാതെ മത്സരം വരുതിയിൽ ആക്കാൻ അവർക്കായി.