സൗദി പ്രൊ ലീഗ് ക്ലബ് ആയ ഇത്തിഫാഖ് എഫ് സി സ്റ്റീവൻ ജെറാഡിനെ പരിശീലകനാക്കി എത്തിച്ചു. ഇതു സംബന്ധിച്ച ഔദ്യോഗിക പ്രഖ്യാപനം വന്നു. ലിവർപൂൾ ഇതിഹാസം രണ്ടു വർഷത്തെ കരാറിലാണ് സൗദിയിലേക്ക് എത്തുന്നത്. മുൻ ആസ്റ്റൺ വില്ല മാനേജർ ആസ്റ്റൺ വില്ലയിൽ നിന്ന് പുറത്താക്കപ്പെട്ടതിന് ശേഷം ഒരു ഓഫറും സ്വീകരിച്ചിരുന്നില്ല.
ലീഡ്‌സ് യുണൈറ്റഡ് , ലെസ്റ്റർ സിറ്റി എന്നിവർ ജെറാഡിനെ സമീപിച്ചിരുന്നു. പക്ഷെ അദ്ദേഹം സൗദിയിൽ നിന്ന് ഉള്ള വലിയ ഓഫർ സ്വീകരിക്കാൻ ആണ് തയ്യാറായത്. ഇത്തിഫാഖ് ഈ കഴിഞ്ഞ സൗദി പ്രൊ ലീഗ് സീസണിൽ ഏഴാം സ്ഥാനത്ത് ഫിനിഷ് ചെയ്തിരുന്നു. ജെറാഡിനെ എത്തിക്കുന്നതിന് പിന്നാലെ യൂറോപ്പിൽ നിന്ന് വലിയ താരങ്ങളെയും ഇത്തിഫാഖ് എത്തിക്കും. നേരത്തെ പരിശീലകനായി സ്കോട്ടിഷ് ലീഗ് നേടാൻ ജെറാഡിനായിട്ടുണ്ട്.
