ഗ്രൂപ്പ് സി യിലെ അവസാന മത്സരത്തിൽ പോളണ്ടിനെ എതിരില്ലാത്ത രണ്ടു ഗോളുകൾക്ക് തോൽപ്പിച്ച് അർജൻറീന ഗ്രൂപ്പ് ചാമ്പ്യന്മാരായി പ്രീക്വാർട്ടറിൽ എത്തിയിരുന്നു. സൗദി അറേബ്യക്ക് എതിരായ ആദ്യ മത്സരത്തിൽ നിറംമങ്ങിയതിന്റെ പേരിൽ ധാരാളം വിമർശനം വാങ്ങിയ ഡിപോൾ ആയിരുന്നു അർജൻറീനയുടെ വിജയത്തിൽ മധ്യനിരയിൽ കളി നിയന്ത്രിച്ചത്. മത്സരത്തിൽ ഒരു അപൂർവ റെക്കോർഡും ഡീപോൾ സ്വന്തമാക്കി.
മത്സരത്തിൽ കളം നിറഞ്ഞു കളിച്ച ഡീപോൾ 137 പാസുക്കൾ ആണ് പൂർത്തിയാക്കിയത്. ലോകകപ്പ് മത്സരത്തിൽ റെക്കോർഡുകൾ സൂക്ഷിക്കാൻ തുടങ്ങിയ 1966 മുതൽ ഒരു അർജൻറീനക്കാരൻ താരം ഒരു മത്സരത്തിൽ ഏറ്റവും കൂടുതൽ പാസുകൾ നൽകിയ റെക്കോർഡ് ഇതോടെ ഡീപോളിന്റെ പേരിലായി. പ്രീക്വാർട്ടറിൽ ഓസ്ട്രേലിയ ആണ് അർജന്റീനയുടെ എതിരാളികൾ.