ഫെലിക്സ് ലോൺ കഴിഞ്ഞു തിരികെ വരിക ആണെങ്കിൽ അത്‌ലറ്റിക്കോ മാഡ്രിഡിൽ അവസരം ഉണ്ടാകും എന്ന് ക്ലബ് പ്രസിഡന്റ് എൻറിക് സെറെസോ അഭിപ്രായപ്പെട്ടു, മാഡ്രിഡിലേക്ക് മടങ്ങിയെത്തിയാൽ യുവ പോർച്ചുഗീസ് താരത്തിന് ടീമിൽ എപ്പോഴും സ്ഥാനമുണ്ടാകുമെന്ന് അദ്ദേഹം പ്രസ്താവിച്ചു. എന്നിരുന്നാലും, ഫുട്ബോൾ ലോകത്തെ ഭാവി പ്രവചിക്കാൻ കഴിയില്ല എന്നും സെറെസോ സമ്മതിച്ചു.
2019-ൽ എത്തിയതു മുതൽ അത്‌ലറ്റിക്കോ മാഡ്രിഡിന്റെ പ്രധാന കളിക്കാരനായിരുന്നു ജോവോ ഫെലിക്സ്. ഈ സീസണിൽ ചെൽസിയിൽ വായ്പാ അടിസ്ഥാനത്തിൽ എത്തിയ താരത്തിന് ഇതുവരെ ചെൽസിയിലെ പ്രശ്നങ്ങൾ തീർക്കാൻ ആയിട്ടില്ല. എങ്കിൽ ചെൽസിയിൽ താരം സ്ഥിര കരാർ ഒപ്പുവെക്കും എന്നാണ് പലരും പ്രതീക്ഷിക്കുന്നത്‌. ചെൽസിക്ക് നല്ല പരിശീലകനെ കിട്ടിയാൽ ഫെലിക്‌സിന് ടീമിൽ വലിയ സ്വാധീനം ഉണ്ടാക്കാൻ ആകും എന്ന് പലരും വിശ്വസിക്കുന്നു.
അത്‌ലറ്റിക്കോ മാഡ്രിഡിന്റെയും ചെൽസിയുടെയും ആരാധകർ ജോവോ ഫെലിക്‌സിന്റെ ഭാവി എന്താകും എന്ന് ഉറ്റു നോക്കുകയാണ്.
