ക്വാർട്ടർ ഫൈനലിന്റെ രണ്ടാം പാദം വിജയിച്ചു എങ്കിലും ലിവർപൂൾ യൂറോപ്പ ലീഗിൽ നിന്ന് പുറത്ത്. ഇന്ന് ഇറ്റലിയിൽ വെച്ച് രണ്ടാം പാദത്തിൽ അറ്റലാന്റയെ നേരിട്ട ലിവർപൂൾ 1-0ന് വിജയിച്ചു എങ്കിലും അത് മതിയായില്ല ക്ലോപ്പിന്റെ ടീമിന് സെമി എത്താൻ. 3-1ന്റെ അഗ്രിഗേറ്റ് സ്കോറിൽ ജയിച്ച് അറ്റലാന്റ സെമിയിലേക്ക് മുന്നേറി. അറ്റലാന്റ നേരത്തെ ആദ്യ പാദത്തിൽ ആൻഫീൽഡിൽ വെച്ച് ലിവർപൂളിനെ 3-0ന് തോൽപ്പിച്ചിരുന്നു.
ഇന്ന് ഏഴാം മിനുട്ടിൽ തന്നെ ലിവർപൂളിന് ലീഡ് എടുക്കാൻ ആയിരുന്നു. ഒരു പെനാൾട്ടിയിൽ നിന്ന് സലായാണ് ഗോൾ നേടിയത്. എന്നാൽ ഈ തുടക്കം മുതലെടുക്കാൻ ലിവർപൂളിനായില്ല. രണ്ടാതൊരു ഗോൾ നേടി അറ്റലാന്റയെ സമ്മർദ്ദത്തിൽ ആക്കാൻ അവർക്ക് കളിയിൽ ഒരു വേളയിലും ആയില്ല.
അറ്റലാന്റ ഇനി സെമിയിൽ ബെൻഫികയെ ആകും നേരിടുക. ബെൻഫിക മാഴ്സയെ തോൽപ്പിച്ച് ആണ് സെമിയിലേക്ക് എത്തുന്നത്.