ഡ്യൂറണ്ട് കപ്പ് ഗ്രൂപ്പ് ഘട്ടത്തിലെ ആദ്യ മത്സരത്തിൽ നോർത്ത് ഈസ്റ്റ് യുണൈറ്റഡിന് വലിയ വിജയം. ഇന്ന് ഷില്ലോങ് ലജോങ്ങിനെ നേരിട്ട നോർത്ത് ഈസ്റ്റ് യുണൈറ്റഡ് എതിരില്ലാത്ത നാലു ഗോളുകൾക്ക് ആണ് വിജയിച്ചത്. പാർത്തിബ് ഗൊഗോയ് നോർത്ത് ഈസ്റ്റ് യുണൈറ്റഡിനായി ഹാട്രിക്ക് നേടി. 26, 65, 70 മിനുട്ടുകളിൽ ആയിരുന്നു ഗൊഗോയിയുടെ ഗോളുകൾ.
ഗൊഗോയിയെ കൂടാതെ ഫിലുപ്പോടെക്സും നോർത്ത് ഈസ്റ്റ് യുണൈറ്റഡിനായി ഇന്ന് ഗോൾ നേടി. ഗ്രൂപ്പ് ഡിയിൽ എഫ് സി ഗോവയും കാശ്മീരി ക്ലബായ ഡൗൺ ടൗൺ ഹീറോസുമാണ് ഇനി നോർത്ത് ഈസ്റ്റിന്റെ അടുത്ത മത്സരങ്ങളിലെ എതിരാളികൾ.