ബുണ്ടസ് ലീഗയിൽ ബയെർ ലെവർകൂസന് കിരീടത്തിന് തൊട്ടരികിൽ. ഇന്ന് ബയേൺ മ്യൂണിക്ക് പരാജയപ്പെടുകയും ലെവർകൂസൻ വിജയിക്കുകയും ചെയ്തതോടെ ആണ് കാര്യങ്ങൾ സാബി അലോൺസോയുടെ ടീമിന് എളുപ്പമായത്. ഇന്ന് നടന്ന മത്സരത്തിൽ ലെവർകൂസൺ എതിരില്ലാത്ത ഒരു ഗോളിന് യൂണിയൻ ബെർലിനെ പരാജയപ്പെടുത്തിയിരുന്നു.
ആദ്യ പകുതിയുടെ അവസാനം ഫ്ലോരിൻ വ്രിറ്റ്സ് നേടിയ പെനാൾട്ടിയിൽ നിന്നായിരുന്നു ലെവർകൂസന്റെ വിജയം. ബയേൺ മ്യൂണിക്ക് ആകട്ടെ ഇന്ന് ഹെയ്ദൻഹെയിമിനോട് 2-3 എന്ന സ്കോറിന് പരാജയപ്പെട്ടു. ഇതോടെ ലെവർകൂസൻ 28 മത്സരങ്ങളിൽ നിന്ന് 76 പോയിന്റുമായി ഒന്നാമത് നിൽക്കുകയാണ്. ബയേണ് 60 പോയിന്റാണ് ഉള്ളത്. ഇനി ലീഗിൽ 6 മത്സരങ്ങൾ ആണ് ബാക്കി. ഇതിൽ ഒരു മത്സരം ജയിച്ചാൽ മതി ലെവർകൂസന് കിരീടം ഉറപ്പിക്കാൻ. അവരുടെ ചരിത്രത്തിൽ ഇതുവരെ അവർ ബുണ്ടസ് ലീഗ നേടിയിട്ടില്ല.