ഏറെ പ്രതീക്ഷയോടെ കാത്തിരിക്കുന്ന 2023 വനിതാ ടി20 ലോകകപ്പ് 2023 ഓസ്ട്രേലിയയ്ക്കെതിരായ സെമിഫൈനലിന്റെ തലേന്ന് ഇന്ത്യയുടെ വിക്കറ്റ് കീപ്പർ-ബാറ്റർ റിച്ച ഘോഷ് തന്റെ ടീമിന്റെ സാധ്യതകളെക്കുറിച്ച് ആത്മവിശ്വാസം പ്രകടിപ്പിച്ചു. ടൈറ്റിൽ ഫേവറിറ്റുകളായ ഓസ്ട്രേലിയ ആണ് സെമിയിൽ ഫേവറിറ്റുകൾ എങ്കിലും, അവരെ തോൽപ്പിക്കാൻ തന്റെ ടീമിന് കഴിയുമെന്ന് റിച്ച വിശ്വസിക്കുന്നു.
“ഞങ്ങൾക്ക് ഓസ്ട്രേലിയയെ തോൽപ്പിക്കാൻ കഴിയും, ഞങ്ങൾ മുമ്പ് അവരെ തോൽപ്പിച്ചിട്ടുണ്ട്. അവർ ശക്തമായ ടീമാണ്, പക്ഷേ ഞങ്ങൾക്ക് അവരെയും തോൽപ്പിക്കാൻ കഴിയും.” റിച്ച ഘോഷ് മാധ്യമപ്രവർത്തകരോട് പറഞ്ഞു. ഞങ്ങൾ മാനസികമായി കരുത്തരാകാൻ ആണ് നോക്കുന്നത് എന്ന്യ്ം റിച്ച പറയുന്നു.
തുടർച്ചയായി ടി20 ലോകകപ്പ് കിരീടങ്ങൾ നേടിയ ഓസ്ട്രേലിയ കഴിഞ്ഞ കുറച്ച് വർഷങ്ങളായി അന്താരാഷ്ട്ര ക്രിക്കറ്റിൽ വൻ കുതിപ്പാണ് നടത്തുന്നത്. 2020 ന്റെ തുടക്കം മുതൽ 42 മത്സരങ്ങളിൽ നിന്ന് 4 T20Iകൾ മാത്രമേ അവർ പരാജയപ്പെട്ടിട്ടുള്ളൂ.