രോഹിത് ശര്മ്മയുടെ വര്ക്ക് ലോഡ് കുറയ്ക്കുന്നതിനായി ടി20യിൽ ഹാര്ദ്ദിക് പാണ്ഡ്യയെ ക്യാപ്റ്റനായി പരിഗണിക്കണമെന്ന് പറഞ്ഞ് മുന് ഇന്ത്യന് കോച്ച് രവി ശാസ്ത്രി. നാളെ ന്യൂസിലാണ്ടിനെതിരെ ആരംഭിയ്ക്കുന്ന ടി20 പരമ്പരയിൽ ഇന്ത്യയെ ഹാര്ദ്ദിക് ആണ് നയിക്കുന്നത്.
ഇന്ത്യയുടെ ടി20 ലോകകപ്പ് തോൽവിയ്ക്ക് ശേഷം രോഹിത്തിന് പകരം ഹാര്ദ്ദിക്കിനെ ക്യാപ്റ്റനായി പരിഗണിക്കണമെന്ന ആവശ്യം ഉയര്ന്നിരുന്നു. മൂന്ന് ഫോര്മാറ്റിലും രോഹിത് നയിക്കുന്നതിന് പകരം ടി20യിൽ യുവ ക്യാപ്റ്റന് വരുന്നതിൽ തെറ്റില്ലെന്നാണ് രവി ശാസ്ത്രി പറയുന്നത്.
ടി20 ഫോര്മാറ്റിൽ പുതിയൊരു ക്യാപ്റ്റന് വരുന്നതിൽ യാതൊരുവിധ തെറ്റുമില്ലെന്നും രവി ശാസ്ത്രി വ്യക്തമാക്കി. ഗുജറാത്ത് ടൈറ്റന്സിനെ ആദ്യ സീസണിൽ തന്നെ ഐപിഎൽ കിരീടത്തിലേക്ക് നയിച്ച ഹാര്ദ്ദിക് അയര്ലണ്ടിലും ഇന്ത്യന് ടി20 ടീമിനെ നയിച്ചിരുന്നു.