പ്രോ കബഡി ലീഗിൽ ദബാംഗ് ഡെൽഹിയുടെ അപരാജിതക്കുതിപ്പവസാനിപ്പിച്ച് ഗുജറാത്ത് ഫോർച്യൂൺ ജയന്റ്സ്. ഗുജറാത്ത് 31-26 എന്ന സ്കോറിനാണ് ഡൽഹിയെ പരാജയപ്പെടുത്തിയത്.
നാല് മത്സരങ്ങൾ കഴിഞ്ഞപ്പോൾ ആദ്യ പരാജയമാണ് ഡൽഹി ഏറ്റ് വാങ്ങിയത്. ജിബി മോർ, രോഹിത്ത് ഗൂലിയ എന്നിവരുടെ ഓൾ റൗണ്ടർ പ്രകടനമാണ് ഗുജറാത്തിന് ജയം നൽകിയത്. 10 റെയിഡ് പോയന്റുമായി നവീൻ ഒറ്റയാൾ പോരാട്ടം നടത്തിയെങ്കിലും ഡൽഹിക്ക് തോല്വിയായിരുന്നു ഫലം. ഇനി ജയ്പൂർ പിങ്ക് പാന്തേഴ്സിനോടാണ് ഡൽഹിയുടെ മത്സരം. നാളെ യൂ മുംബയാണ് ഗുജറാത്തിന്റെ എതിരാളികൾ.
