ബ്രസീൽ : ഫുഡ്ബോൾ പ്രേമികളെ എല്ലാം സങ്കടത്തിലാഴ്ത്തുന്ന വാർത്തയാണ് സാവോ പോളൊയിൽ നിന്നും വരുന്നത്.
ഏറേ നാളായി കാൻസർ ചികിത്സയിലായിരുന്ന ഫുട്ബോൾ ഇതിഹാസം പെലെ അന്തരിച്ചു. 82 വയസായിരിന്നു. ഏതാണ്ട് ഒരു മാസത്തോളമായി ആശുപത്രി വാസത്തിലായിരുന്നു പെലെ. കഴിഞ്ഞ ദിവസങ്ങളിൽ കുടുംബാംഗങ്ങൾ പുറത്ത് വിട്ട വാർത്തകൾ ഒന്നും ശുഭകരമായിരുന്നില്ല. പ്രാർത്ഥനകളുമായി ബ്രസീലും, മുഴുവൻ ഫുട്ബോൾ പ്രേമികളും കാത്തിരുന്നത് പെലെയുടെ തിരിച്ചുവരവിനായിരുന്നു.
മൂന്ന് തവണ ലോക കിരീടം നേടിയ പെലെയുടെ പേരിലുള്ള റെക്കോർഡുകൾ നിരവധിയാണ്. ലോകം കണ്ട എക്കാലത്തെയും മികച്ച കായിക താരങ്ങളിലൊരാളായ പെലെയുടെ വിയോഗം ലോകത്തെയാകെ വിങ്ങലിലാക്കിയിരിക്കുകയാണ്.
ഇതിഹാസത്തിന് ആദരാഞ്ജലികൾ !!
