അർജന്റീനയെ ഒരു പരാജയം കൊണ്ട് ആരും എഴുതി തള്ളരുത് എന്ന് ടെന്നീസ് ഇതിഹാസം നദാൽ. അവർ ഒരു കളി തോറ്റു എന്നേ ഉള്ളൂ. ഇനി രണ്ടെണ്ണം ബാക്കിയുണ്ട്. ആ ടീമിനെ ബഹുമാനിക്കേണ്ടതുണ്ട്. അവർ ലാറ്റിനമേരിക്കൻ ചാമ്പ്യന്മാരായാണ് ലോകകപ്പിലേക്ക് വന്നത്. അതും ചരിത്രത്തിലെ ഏറ്റവും മികച്ച അപരാജിത കുതിപ്പിൽ ഒന്നുമായിട്ട്. നദാൽ ഓർമ്മിപ്പിച്ചു.
ഈ ഒരു പരാജയം കൊണ്ട് അവരുടെ ആത്മവിശ്വാസം നഷ്ടപ്പെടും എന്ന് താൻ കരുതുന്നില്ല എന്നും അർജന്റീന വളരെ ദൂരം ഈ ലോകപ്പിൽ പോകാനുള്ള സാധ്യത ഉണ്ട്. അവർ ഇപ്പോഴും ഈ ലോകകപ്പ് ജയിക്കാൻ സാധ്യത ഉള്ള പ്രധാനി ആണെന്ന് ഞാൻ ഇപ്പോഴും കരുതുന്നു എന്നും അദ്ദേഹം പറഞ്ഞു.
നദാൽ മെസ്സിയീട് തനിക്കുള്ള സ്നേഹത്തെ കുറിച്ചും സംസാരിച്ചു. ഒരു കായിക പ്രേമി എന്ന നിലയിൽ മെസ്സിയെ അഭിനന്ദിക്കാതിരിക്കാൻ ആകില്ല. അദ്ദേഹത്തിന്റെ കായിക ജീവിതത്തിലെ ഏറ്റവും മികച്ച വർഷങ്ങളിൽ അദ്ദേഹത്തെ ആസ്വദിക്കാൻ ലാലിഗയിൽ ഞങ്ങൾക്ക് ഭാഗ്യമുണ്ടായി. അദ്ദേഹം ഞങ്ങൾക്ക് അത്ഭുത നിമിഷങ്ങൾ നൽകി, ഫുട്ബോളിന്റെയും കായിക ലോകത്തിന്റെയും ചരിത്രത്തിലെ ഏറ്റവും മികച്ച കളിക്കാരിൽ ഒരാളാണ് അദ്ദേഹം. നദാൽ കൂട്ടിച്ചേർത്തു.