ഇന്ത്യൻ ബൗളിംഗ് കോച്ച് മോർണി മോർക്കൽ നാട്ടിലേക്ക് മടങ്ങി

പിതാവ് ആൽബർട്ടിന്റെ ആരോഗ്യ സ്ഥിതി വഷളായതിനാൽ ഇന്ത്യയുടെ ബൗളിംഗ് പരിശീലകൻ മോർണി മോർക്കൽ നാട്ടിലേക്ക് മടങ്ങി. ദുബായിൽ ചാമ്പ്യൻസ് ട്രോഫിക്ക് ആയി ഒരുങ്ങുന്ന ഇന്ത്യൻ ടീമിനൊപ്പം പ്രവർത്തിക്കുക ആയിരുന്നു മോർക്കൽ. അദ്ദേഹം ഇപ്പോൾ ദക്ഷിണാഫ്രിക്കയിലേക്ക് മടങ്ങിയതായി ഇന്ത്യ സ്ഥിരീകരിച്ചു.

മോർക്കൽ ഇനി എന്ന് ടീമിനൊപ്പം ചേരും എന്ന് വ്യക്തമല്ല. ടൂർണമെന്റിനായി ദുബായിൽ തങ്ങുന്ന ഇന്ത്യ ഫെബ്രുവരി 20 ന് ബംഗ്ലാദേശിനെ നേരിട്ട് കൊണ്ട് ടൂർണമെന്റ് ആരംഭിക്കും.