ഈ വരുന്ന ഖത്തർ ലോകകപ്പ് തന്റെ അവസാന ലോകകപ്പ് ആണെന്ന് സ്ഥിരീകരിച്ചു ഇതിഹാസതാരം ലയണൽ മെസ്സി. അവസാനം നൽകിയ അഭിമുഖത്തിൽ ആണ് അർജന്റീന താരം തന്റെ നിലപാട് വ്യക്തമാക്കിയത്. ഇനിയൊരു ലോകകപ്പ് കളിക്കാൻ താനില്ല എന്ന കാര്യം 34 കാരനായ മെസ്സി ഉറപ്പിച്ചു പറഞ്ഞു.
ഇതിനകം തന്നെ ഇതിൽ തീരുമാനം എടുത്തത് ആയി മെസ്സി വ്യക്തമാക്കി. അതേസമയം പി.എസ്.ജയിൽ ആണോ ബാഴ്സലോണയിൽ ആണോ വിരമിക്കുക എന്ന കാര്യത്തിൽ മെസ്സി ഉടൻ എങ്ങും തീരുമാനം എടുക്കില്ല. 2023 ൽ ആവും ഈ കാര്യത്തിൽ തീരുമാനം എടുക്കുക. അവസാന ലോകകപ്പിൽ അർജന്റീനക്ക് ഒപ്പം കിരീടം ഉയർത്തി രാജ്യാന്തര ഫുട്ബോളിൽ നിന്നു വിടപറയാൻ ആവും മെസ്സിയുടെ ലക്ഷ്യം.