ദിനേശ് കാർത്തിക് ആർ സി ബിക്ക് ഒപ്പം അടുത്ത സീസണിലും ഉണ്ടാകും. എന്നാൽ കളിക്കാരൻ ആയല്ല മറിച്ച് പുതിയ രണ്ട് റോളിൽ. ക്രിക്കറ്റിൻ്റെ എല്ലാ ഫോർമാറ്റുകളിൽ നിന്നും അടുത്തിടെ വിരമിച്ച ദിനേശ് കാർത്തിക്കിനെ ഇന്ത്യൻ പ്രീമിയർ ലീഗ് (ഐപിഎൽ) ടീമായ റോയൽ ചലഞ്ചേഴ്സ് ബെംഗളൂരു (ആർസിബി) അവരുടെ ബാറ്റിംഗ് കോച്ചും മെൻ്ററുമായും നിയമിച്ചതായി ഇന്ന് പ്രഖ്യാപിച്ചു.
“ഞങ്ങൾ കീപ്പർ ദിനേശ് കാർത്തിക്കിനെ പുതിയ റോളിൽ RCB യിലേക്ക് സ്വാഗതം ചെയ്യുന്നു. ആർസിബി പുരുഷ ടീമിൻ്റെ ബാറ്റിംഗ് കോച്ചും മെൻ്ററും ആയി ഡികെ ഉണ്ടാകും” ആർ സി ബി ട്വിറ്ററിൽ കുറിച്ചു.
കഴിഞ്ഞ സീസണിലെ ആർ സി ബിയുടെ അവസാന മത്സരത്തോടെ ആയിരുന്നു കാർത്തിക് ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത്.