ജർമ്മൻ കപ്പിൽ നിന്നും ബൊറുസിയ ഡോർട്ട്മുണ്ട് പുറത്ത്. പെനാൽറ്റിയിലാണ് വേർഡർ ബ്രെമൻ ബൊറുസിയ ഡോർട്ട്മുണ്ട് പരാജയപ്പെടുത്തിയത്. എക്സ്ട്രാ സമയത്തിന് ശേഷം ഇരു ടീമുകളും മൂന്ന് ഗോളുകൾ വീതമടിച്ചതിനെ തുടർന്നാണ് മത്സരം പെനാൽറ്റിയിലേക്ക് നീണ്ടത്.
തൊണ്ണൂറു മിനുറ്റ് അവസാനിച്ചപ്പോൾ മാർക്കോ റിയൂസിന്റെയും റഷികയുടേയും ഗോളിൽ മത്സരം സമനിലയിലായി. അധിക സമയത്തിലേക്ക് മത്സരം നീണ്ടപ്പോൾ പുളിസിക്കും (105′) ഹക്കീമിയും (113′) ഗോളടിച്ചപ്പോൾ വെർഡർ ബ്രെമന് വേണ്ടി പിസാറോയും (108′) 119ആം മിനുട്ടിൽ ഹാർനിക്കും ഗോളടിച്ചപ്പോൾ മത്സരം പെനാൽറ്റിയിലേക്ക് നീണ്ടു.
ഗോൾകീപ്പർ ജിരി പ്ലാവെങ്കയാണ് വെർഡർ ബ്രെമനെ വിജയത്തിലേക്ക് നയിച്ചത്. അൽക്കാസറിന്റെയും ഫിലിപ്പിന്റെയും ഷോട്ടുകൾ തടയാൻ പ്ലാവെങ്കയ്ക്ക് കഴിഞ്ഞു. പിസാറോ, എഗ്ഗെസ്റ്റെയിൻ,ക്ലാസർ,ക്രൂസ് എന്നിവരുടെ പെർഫെക്ട് വേർഡർ ബ്രെമനെ വിജയത്തിലേക്ക് നയിച്ചു.