ന്യൂകാസിൽ യുണൈറ്റഡിന് വലിയ കളികൾ മാത്രം. അവർ ഒരു വലിയ സൈനിംഗ് കൂടെ പൂർത്തിയാക്കുകയാണ്. ഫ്രഞ്ച് ക്ലബായ ലിയോണിൽ നിന്ന് ബ്രസീലിയൻ താരം ബ്രൂണോ ഗുയിമാരെസിനെ സ്വന്തമാക്കാൻ ന്യൂകാസിൽ ധാരണയിൽ എത്തിയിരിക്കുകയാണ്. ആഡ്-ഓണു ഉൾപ്പെടെ 33 മില്യൺ പൗണ്ട് ആകും ട്രാൻസ്ഫർ തുക. താരം ഇന്ന് മെഡിക്കൽ പൂർത്തിയാക്കാൻ ലണ്ടണിൽ എത്തും.
2020ൽ ആയിരുന്നു മധ്യനിര താരം ബ്രസീലിൽ നിന്ന് ലിയോണിലേക്ക് എത്തിയത്. ന്യൂകാസിലിന്റെ ജനുവരിയിലെ മൂന്നാം സൈനിംഗ് ആകും ഇത്. ഇതിനകം അവർ ട്രിപ്പിയറിനെയും ക്രിസ് വൂഡിനെയും ന്യൂകാസിൽ സൈൻ ചെയ്തിട്ടുണ്ട്. അവർ ഇനിയും കൂടുതൽ താരങ്ങളെ സ്വന്തമാക്കും എന്നാണ് സൂചനകൾ.