യസീര്‍ ഷായുടെ തനിക്കെതിരെയുള്ള ആഘോഷം തനിക്ക് കൂടുതല്‍ പ്രഛോദനം നല്‍കുന്നുവെന്ന് അറിയിച്ച് സ്റ്റീവന്‍ സ്മമിത്ത്. ഗാബയില്‍ നാല് റണ്‍സിന് സ്മിത്തിനെ പുറത്താക്കിയ ശേഷമുള്ള യസീര്‍ ഷായുടെ ആഘോഷത്തിനെക്കുറിച്ചാണ് സ്മിത്തിന്റെ പ്രതികരണം.
ഏഴ് തവണ തന്നെ പുറത്താക്കിയ യസീര്‍ ഷാ അത് തന്നെ കഴിഞ്ഞ ഇന്നിംഗ്സില്‍ പുറത്താക്കിയ ശേഷമുള്ള ആഘോഷത്തില്‍ ഏഴ് വിരലുകള്‍ ഉയര്‍ത്തിയത് തന്നെ കൂടുതല്‍ പ്രഛോദിതനാക്കിയെന്ന് സ്മിത്ത് വ്യക്തമാക്കി. അടുത്ത മത്സരത്തില്‍ തങ്ങള്‍ ഏറ്റുമുട്ടുമ്പോള്‍ തന്റെ വിക്കറ്റ് അത്ര വേഗം താന്‍ നല്‍കില്ലെന്ന് സ്മിത്ത് വ്യക്തമാക്കി.
അഡിലെയ്ഡില് നവംബര്‍ 29 വെള്ളിയാഴ്ചയാണ് പാക്കിസ്ഥാനും ഓസ്ട്രേലിയയും തമ്മിലുള്ള അടുത്ത മത്സരം. തന്നെ യസീര്‍ ഷാ 7 തവണ പുറത്താക്കിയെന്നത് തനിക്ക് നിശ്ചയമില്ലായിരുന്നുവെന്നും താന്‍ കരുതിയത് രണ്ടോ മൂന്നോ തവണയാണെന്നും സ്മിത്ത് വ്യക്തമാക്കി.
