ലോകകപ്പ് സന്നാഹ മത്സരത്തിനായി ഇന്ത്യൻ ടീം തിരുവനന്തപുരത്ത് എത്തി. ഒക്ടോബർ 3ന് നെതർലന്റ്സിനെതരെ ആണ് ഇന്ത്യയുടെ അടുത്ത സന്നാഹ മത്സരം. രോഹിത് ശർമ്മയും സംഘവും ഇന്ന് തിരുവനന്തപുരത്ത് വിമാനം ഇറങ്ങി. നാളെ ടീം പരിശീലനത്തിന് ഇറങ്ങും. ഈ മത്സരത്തിനു മഴ ഭീഷണിയുണ്ട്. തിരിവനന്തപുരത്ത് നടക്കേണ്ടിയിരുന്ന രണ്ട് സന്നാഹ മത്സരങ്ങളും വലിയ തിരിച്ചടി മഴ കാരണം നേരിട്ടിരുന്നു.
ഇന്ത്യയുടെ ആദ്യ സന്നാഹ മത്സരവും മഴ കാരണം മാറ്റേണ്ടി വന്നു. ഇന്ത്യ ഗുവഹാത്തിയിൽ ഇംഗ്ലണ്ടിനെ ആയിരുന്നു നേരിടേണ്ടിയിരുന്നത്. എന്നാൽ ആ മത്സരം മഴ കാരണം ഒരു പന്ത് പോലും എറിയാതെ ഉപേക്ഷിക്കേണ്ടി വന്നു. ഓസ്ട്രേലിയക്ക് എതിരെ ഇന്ത്യയുടെ ആദ്യ ലോകകപ്പ് മത്സരത്തിനു മുന്നേയുള്ള അവസാന സന്നാഹ മത്സരമാണ് തിരുവനന്തപുരത്തേത്.
https://twitter.com/ipl2023update/status/1708491522524524863?t=WTo05S4h5lyAEdGeSWfgFQ&s=19