ആധുനിക കളിയിലെ ഏറ്റവും മികച്ച കളിക്കാരൻ ഇന്ത്യൻ ബാറ്റർ വിരാട് കോഹ്ലി ആണെന്ന് ന്യൂസിലൻഡ് ക്യാപ്റ്റൻ കെയ്ൻ വില്യംസൺ. “കോഹ്ലിയുടെ നേട്ടം തികച്ചും സവിശേഷമായ കാര്യമാണ്, നിങ്ങൾ 50 ഗെയിമുകൾ കളിക്കുകയാണെങ്കിൽ തന്നെ വലിയ കാര്യമാണ്. അപ്പോൾ 50 സെഞ്ച്വറി നേടുന്നത് എത്ര വലിയ കാര്യമാണ്. ഇത് വിവരിക്കാൻ വാക്കുകൾ കണ്ടെത്താൻ അകുന്നില്ല.” വില്യംസൺ സെമി ഫൈനലിനു ശേഷം പറഞ്ഞു.
“യഥാർത്ഥത്തിൽ തന്റെ ടീമിന് വേണ്ടിയുള്ള ഗെയിമുകൾ ജയിക്കുന്നതിനാണ് അദ്ദേഹം ശ്രദ്ധിക്കുന്നത്, അവന്റെ ടീമിനെ മുന്നോട്ട് കൊണ്ടുപോകുന്നതിനെക്കുറിച്ചാണ് അവന്റെ ചിന്ത,അവനാണ് ഏറ്റവും മികച്ചത്” ഇന്ത്യയ്ക്കെതിരായ തോൽവിക്ക് ശേഷം നടത്തിയ വാർത്താ സമ്മേളനത്തിൽ വില്യംസൺ പറഞ്ഞു.
“കോഹ്ലിയുടെ പ്രകടനങ്ങൾ ശരിക്കും അവിശ്വസനീയമാണ്. അതിന്റെ മറുവശത്ത് ആയിരിക്കാൻ ബുദ്ധിമുട്ടാണെങ്കിലും,” വില്യംസൺ കൂട്ടിച്ചേർത്തു