വെസ്റ്റ് ഇൻഡീസിനെതിരായ മൂന്നാം ടി20യിലും നല്ല പ്രകടനം കാഴ്ചവെച്ച തിലക് വർമ്മ മറ്റ് ഫോർമാറ്റുകളുടെ ടീമിലേക്കുള്ള വാതിലുകളും അടുത്ത് തന്നെ തുറക്കും എന്ന് മുൻ ഇന്ത്യൻ ബാറ്റിംഗ് താരം അഭിനവ് മുകുന്ദ്. ഗയാനയിൽ വെസ്റ്റ് ഇൻഡീസിനെ ഇന്ത്യ ഏഴ് വിക്കറ്റിന് തോൽപ്പിച്ചപ്പോൾ വർമ്മ പുറത്താകാതെ 49 റൺസ് നേടിയിരുന്നു.
“ടീമിന് ആവശ്യമായ റോൾ അദ്ദേഹം ചെയ്തു, തിലക് വർമ്മ ഇഷ്ടാനുസരണം കളിക്കുകയല്ല ചെയ്തത്. അവൻ തന്റെ ദൗത്യം ചെയ്യാനാണ് ഇറങ്ങിയത്. സൂര്യകുമാർ നന്നായി ബാറ്റു ചെയ്യുമ്പോൾ താനും അതുപോലെ കളിക്കേണ്ടതില്ല എന്ന് തിലകിന് അറിയാമായിരുന്നു. അവിടെയാണ് അദ്ദേഹത്തിന്റെ പക്വത എനിക്ക് ശരിക്കും ഇഷ്ടപ്പെട്ടത്” മുകുന്ദ് പറഞ്ഞു.
“ഈ പരമ്പരയിൽ നമ്മൾ കണ്ടതിൽ നിന്ന്, മറ്റ് ഫോർമാറ്റുകളുടെ വാതിലുകൾ അദ്ദേഹം ശരിക്കും മുട്ടുകയാണ്, ”മുകുന്ദ് കൂട്ടിച്ചേർത്തു.