ബംഗ്ലാദേശ് മുന്‍ നിര പേസര്‍ ടാസ്കിന്‍ അഹമ്മദിന് ന്യൂസിലാണ്ടിനെതിരെയുള്ള ടെസ്റ്റ് പരമ്പര നഷ്ടമാകും. തോളിനേറ്റ പരിക്കിൽ നിന്ന് പൂര്‍ണ്ണമായും സുഖം പ്രാപിക്കാത്തതിനാലാണ് താരത്തിന് പരമ്പര നഷ്ടമാകുന്നത്. ഇതോടെ ഡിസംബര്‍ 17ന് ആരംഭിയ്ക്കുന്ന ഏകദിന പരമ്പരയും താരത്തിന് നഷ്ടമാകും.
ഡിസംബര്‍ അവസാനം നടക്കുന്ന ടി20 പരമ്പരയ്ക്ക് മുമ്പ് ഫിറ്റായി താരം മടങ്ങിയെത്തുമെന്നാണ് ബോര്‍ഡ് പ്രതീക്ഷിക്കുന്നത്. താന്‍ റീഹാബ് നടപടികള്‍ ഉടന്‍ ആരംഭിയ്ക്കുമെന്നും ടി20 പരമ്പരയ്ക്ക് മുമ്പ് സുഖം പ്രാപിക്കുമെന്ന് പ്രതീക്ഷിക്കുന്നതായും ടാസ്കിന്‍ അഹമ്മദ് വ്യക്തമാക്കി.
