ശ്രീലങ്കയ്ക്ക് എതിരെ ഇന്ത്യക്ക് ജയിക്കാൻ 162 റൺസ്!!

ഇന്ത്യക്ക് എതിരായ രണ്ടാം ടി20യിൽ ശ്രീലങ്കയ്ക്ക് പൊരുതാവുന്ന സ്കോർ. ഇന്ന് ആദ്യം ബാറ്റു ചെയ്ത ശ്രീലങ്ക 20 ഓവറിൽ 9 വിക്കറ്റ് നഷ്ടത്തിൽ 161 റൺസ് എടുത്തു. അവർക്ക് ആയി ഇന്ന് കുശാൽ പെരേര ആണ് അർധ സെഞ്ച്വറിയുമായി തിളങ്ങിയത്. കുശാൽ പെരേര 34 പന്തിൽ നിന്ന് 53 റൺസ് എടുത്തു. 2 സിക്സും 6 ഫോറും അദ്ദേഹത്തിന്റെ ഇന്നിംഗ്സിൽ ഉണ്ടായിരുന്നു.

പതും നിസാങ്ക 32 റൺസുമായി തിളങ്ങി. 24 പന്തിൽ നിന്നാണ് നിസങ്ക 32 റൺസ് എടുത്തത്. കമിന്ദു മെൻഡിസ് 26 റൺസും എടുത്തു.

ഇന്ത്യക്ക് ആയി ഹാർദിക് പാണ്ഡ്യയും അക്സർ പട്ടേലും അർഷ്ദീപും 2 വിക്കറ്റു വീതവും രവി ബിഷ്ണോയ് 3 വിക്കറ്റും വീഴ്ത്തി.