മുൻ ന്യൂസിലൻഡ് ക്രിക്കറ്റ് താരവും കമന്റേറ്ററുമായ സൈമൺ ഡൗൾ പാകിസ്താനെതിരെ രൂക്ഷ വിനർശനവുമായി രംഗത്ത്. പാകിസ്താൻ ക്യാപ്റ്റൻ ബാബർ അസമിബെ വിമർശിച്ചതിന് താൻ അവിടെ വധഭീഷണി വരെ നേരിട്ടു എന്ന് സൈമൺ ഡൗൾ പറഞ്ഞു. “പാകിസ്ഥാനിൽ താമസിക്കുന്നത് ജയിലിൽ കഴിയുന്നതുപോലെയാണ്,” എന്ന് ജിയോ ന്യൂസിനോട് അദ്ദേഹം പറഞ്ഞു.
“ബാബർ അസം ആരാധകർ എന്നെ കാത്തിരിക്കുക ആയിരുന്നു. എനിക്ക് റൂമിന് പുറത്തുപോകാൻ പോലും ആയില്ല. ദിവസങ്ങളോളം ഞാൻ ഭക്ഷണം പോലും കിട്ടാതെ പാക്കിസ്ഥാനിൽ താമസിച്ചു.” ഡൗൾ പറഞ്ഞു.
മാനസികമായി ഏറെ പീഡിപ്പിക്കപ്പെട്ടു. ദൈവാനുഗ്രഹത്താൽ ഞാൻ എങ്ങനെയോ പാകിസ്ഥാനിൽ നിന്ന് രക്ഷപ്പെട്ടു എന്നും സൈമൺ ദൗൾ പറഞ്ഞു. അടുത്ത ദിവസങ്ങളിൽ മുൻ പാകിസ്താൻ താരങ്ങളും സൈമൻ ദൗളിനെതിരെ രംഗത്ത് വന്നിരുന്നു.
