പാക്കിസ്ഥാന്‍ ടീമില്‍ നിലവില്‍ സ്ഥാനം നഷ്ടപ്പെട്ട പാക് മുന്‍ നായകന്‍ സര്‍ഫ്രാസ് അഹമ്മദ് ടീമിലേക്ക് മടങ്ങിയെത്തണമെന്നാണ് തന്റെ അഭിപ്രായമെന്ന് പറഞ്ഞ് അസാദ് ഷഫീക്ക്. സര്‍ഫ്രാസ് തന്റെ വളരെ അടുത്ത സുഹൃത്താണ് പക്ഷേ തനിക്ക് അദ്ദേഹം തിരികെ ടീമിലേക്ക് എത്തുമോ എന്നറിയില്ല, പക്ഷേ സുഹൃത്തെന്ന നിലയില്‍ പറയുന്നതല്ല, പാക്കിസ്ഥാന്‍ ടീമിലേക്ക് സര്‍ഫ്രാസ് മടങ്ങിയെത്തിയാല്‍ അത് ടീമിന് തന്നെയാവും ഗുണമെന്ന് ഷഫീക്ക് പറഞ്ഞു.
പാക്കിസ്ഥാന്‍ സെലക്ടര്‍മാരുടെ അനുമതി ലഭിച്ചാല്‍ താരത്തിന്റെ ടീമിലെ സാന്നിദ്ധ്യം ടീമിന് ഗുണം ചെയ്യുമെന്ന് ഷഫീക്ക് പറഞ്ഞു. സര്‍ഫ്രാസ് ഇപ്പോള്‍ തന്റെ ഫിറ്റ്നെസ്സിനും പ്രാമുഖ്യം കൊടുക്കുന്നുണ്ടെന്നാണ് ഷഫീക്ക് വ്യക്തമാക്കിയത്.
