പരമ്പര ലക്ഷ്യമിട്ട് ദക്ഷിണാഫ്രിക്ക നാളെ പാകിസ്താനെതിരെ പിങ്ക് കളറിൽ ഇറങ്ങും

South Africa in Pink Jersey(File Pic)
- Advertisement -

ഏകദിന പരമ്പര ലക്ഷ്യമിട്ട് മൂന്നാം ഏകദിനത്തിൽ ദക്ഷിണാഫ്രിക്ക നാളെ പാകിസ്താനെ നേരിടും. അഞ്ചു മത്സരങ്ങളുടെ പരമ്പരയിൽ നിലവിൽ 2-1 നു ദക്ഷിണാഫ്രിക്ക മുന്നിലാണ്. പിങ്ക് കളർ കുപ്പായമിട്ടായിരിക്കും ദക്ഷിണാഫ്രിക്ക നാളെ ഇറങ്ങുക.

ആദ്യ മത്സരത്തിൽ പരാജയപ്പെട്ടു തുടർച്ചയായി രണ്ടു മത്സരങ്ങൾ വിജയിച്ചാണ് ദക്ഷിണാഫ്രിക്ക പരമ്പരയിൽ ലീഡ് നേടിയിരിക്കുന്നത്. നാലാം മത്സരത്തിൽ വിജയം നേടിയാൽ പരമ്പര ദക്ഷിണാഫ്രിക്കക്ക് സ്വന്തമാവും. പിങ്ക് കുപ്പായമിട്ട് ഇതുവരെ കളിച്ച മത്സരത്തിൽ ഒന്നും സ്വന്തം നാട്ടിൽ ദക്ഷിണാഫ്രിക്ക പരാജയപ്പെട്ടിട്ടില്ല എന്നത് അവർക്ക് ആത്മവിശ്വാസമേകും.

പരമ്പരയിൽ മികച്ച രീതിയിൽ കളിച്ചിട്ടും തുടർച്ചയായി രണ്ടു പരാജയങ്ങൾ ആണ് പാകിസ്ഥാന് നേരിടേണ്ടി വന്നത്. മൂന്നാം ഏകദിനത്തിൽ ഡെക് വർത് ലൂയിസ് നിയമമാണ് പാകിസ്ഥാനെ ചതിച്ചത്. നാളത്തെ മത്സരത്തിൽ എന്ത് വില കൊടുത്തും വിജയിക്കാൻ ആയിരിക്കും പാക് ശ്രമം.

Advertisement