പാകിസ്താൻ സൂപ്പർ ലീഗിൽ ഷഹീൻ അഫ്രീദിയുടെ ലാഹോർ ഖലന്ദേർസ് ഫൈനലിൽ. ഇന്ന് എലിമിനേറ്റർ 2 മത്സരത്തിൽ ബാബർ അസത്തിന്റെ പെഷവാർ സാൽമിയെ 4 വിക്കറ്റിനു തോൽപ്പിച്ച് ആണ് ലാഹോർ ഫൈനൽ ഉറപ്പിച്ചത്. പെഷവാർ ഉയർത്തിയ 172 റൺസ് എന്ന വിജയ ലക്ഷ്യം 18.5 ഓവറിലേക്ക് 6 വിക്കറ്റ് നഷ്ടത്തിൽ ലാഹോർ മറികടന്നു.
ലാഹോറിനായി മിർസ 42 പന്തിൽ നിന്ന് 54 റൺസുമായി ടോപ് സ്കോറർ ആയി. സാം ബില്ലിംഗ്സ് 28 റൺസുമായും റാസ റൺസുമായി തിളങ്ങി. 19 എക്സ്ട്രാ വഴങ്ങിയതാണ് പെഷവാറിന് വലിയ തിരിച്ചടിയായത്. ഫൈനലിൽ ഇനി നാളെ ലാഹോർ ഖലന്ദേഴ്സ് മുൾത്താൻ സുൽത്താൻസിബെ നേരിടും.
ഇന്ന് ആദ്യം വാറ്റു ചെയ്ത പെഷവാർ 172 റൺസ് എന്ന വിജയലക്ഷ്യം ഉയർത്തി. ടോസ് നേടിയ പെഷവാർ സാൽമി ആദ്യം ബാറ്റ് ചെയ്യാൻ തീരുമാനിക്കുകയായിരുന്നു. ടൂർണമെന്റിലുടനീളം മികച്ച ഫോമിലുള്ള ബാബർ അസം, ഏഴ് ബൗണ്ടറികൾ ഉൾപ്പെടെ 42 റൺസ് നേടി അവർക്ക് നല്ല തുടക്കം നൽകി. എങ്കിലും റാഷിദ് ഖാന്റെ പന്തിൽ എൽബിഡബ്ല്യുവിൽ കുടുങ്ങി ബാബർ കളം വിട്ടു.
54 പന്തിൽ 11 ബൗണ്ടറികളും രണ്ട് മാക്സിക്കുകളും ഉൾപ്പെടെ 85 റൺസ് നേടിയ മുഹമ്മദ് ഹാരിസിന്റെ തകർപ്പൻ പ്രകടനമാണ് പെഷവാർ സാൽമി ഇന്നിംഗ്സിന്റെ ഹൈലൈറ്റ്. ഭാനുക രാജപക്സെ 18 പന്തിൽ 25 റൺസ് നേടിയെങ്കിലും അവസാനം സ്കോറിംഗ് മന്ദഗതിയിൽ ആയത് പെഷവാറിനെ കൂറ്റൻ സ്കോറിൽ നിന്ന് അകറ്റി. രണ്ട് വിക്കറ്റ് വീതം വീഴ്ത്തിയ ഷഹീൻ അഫ്രീദിയും റാഷിദ് ഖാനും ലാഹോർ ഖലൻഡേഴ്സിനായി ബൗളു കൊണ്ട് തിളങ്ങി.