വെസ്റ്റിന്ഡീസ് പരിമിത ഓവര് ക്യാപ്റ്റന് സ്ഥാനം ഒഴിഞ്ഞ് നിക്കോളസ് പൂരന്. ടി20 ലോകകപ്പിലെ നിരാശാജനകമായ പ്രകടനത്തിന് ശേഷം ടീം ആദ്യ റൗണ്ട് പോലും കടക്കാതെ പുറത്തായതോടെയാണ് താരം ഈ തീരുമാനം എടുത്തത്.
കൈറൺ പൊള്ളാര്ഡിന്റെ അഭാവത്തിൽ ടീമിനെ നയിച്ച് തുടങ്ങിയ പൂരന് മേയ് 2022ൽ പൊള്ളാര്ഡ് റിട്ടയര് ആയ ശേഷം ആണ് സ്ഥിരം ക്യാപ്റ്റനായി ചുമതലയേൽക്കുന്നത്. 17 ഏകദിനങ്ങളിൽ വെറും നാല് എണ്ണത്തിലും 23 ടി20 മത്സരങ്ങളിൽ എട്ട് എണ്ണത്തിലും മാത്രമാണ് പൂരന്റെ കീഴിൽ വിന്ഡീസ് വിജയത്തിലേക്ക് എത്തിയത്.
ടി20 ലോകകപ്പിൽ സ്കോട്ലാന്ഡിനോടും അയര്ലണ്ടിനോടും പരാജയം ഏറ്റുവാങ്ങിയ വെസ്റ്റിന്ഡീസ് സൂപ്പര് 12 ഘട്ടത്തിലേക്ക് യോഗ്യത നേടിയിരുന്നില്ല.