അവസാന ഓവറുകളിൽ കളി കളഞ്ഞ് നെതര്‍ലാണ്ട്സ്, മൂന്നാം ഏകദിനത്തിലും വെസ്റ്റിന്‍ഡീസിന് വിജയം

Westindies

309 റൺസ് വിജയ ലക്ഷ്യം തേടിയിറങ്ങിയ നെതര്‍ലാണ്ട്സ് 43 ഓവറിൽ 239/3 എന്ന നിലയിലായിരുന്നുവെങ്കിലും അവസാന ഓവറുകളിൽ തകര്‍പ്പന്‍ ബൗളിംഗുമായി വെസ്റ്റിന്‍ഡീസ് എത്തിയപ്പോള്‍ ആതിഥേയര്‍ 288 റൺസിന് ഓള്‍ഔട്ട് ആയി. ഇതോടെ മൂന്നാം ഏകദിനത്തിൽ 20 റൺസിന്റഎ വിജയം നേടി വെസ്റ്റിന്‍ഡീസ് പരമ്പര തൂത്തുവാരി.

ശതകങ്ങള്‍ നേടിയ കൈൽ മയേഴ്സും(120) ഷമാര്‍ ബ്രൂക്ക്സും(101*) തിളങ്ങിയപ്പോള്‍ 184 റൺസിന്റെ തകര്‍പ്പന്‍ രണ്ടാം വിക്കറ്റ് കൂട്ടുകെട്ടാണ് വിന്‍ഡീസിന് മുന്നോട്ട് നയിച്ചത്. ബാക്കി താരങ്ങള്‍ക്കാര്‍ക്കും വലിയ സ്കോര്‍ നേടാനായില്ലെങ്കിലും വിന്‍ഡീസ് 308/5 എന്ന സ്കോറാണ് നേടിയത്.

ടോപ് ഓര്‍ഡറിൽ മാക്സ് ഒദൗദ്(89), വിക്രംജിത്ത് സിംഗ്(54) എന്നിവര്‍ക്കൊപ്പം മൂസ അഹമ്മദ് 42 റൺസും നേടിയപ്പോള്‍ 43ാം ഓവറിലെ അവസാന പന്ത് എറിയുമ്പോള്‍ 239/3 എന്ന നിലയിലായിരുന്നു നെതര്‍ലാണ്ട്സ്. അവിടെ നിന്ന് 49 റൺസ് നേടുന്നതിനിടെ 7 വിക്കറ്റാണ് ടീമിന് നഷ്ടമായത്. ഷെര്‍മൺ ലൂയിസ് മൂന്നും അകീൽ ഹൊസൈന്‍, ഹെയ്ഡന്‍ വാൽഷ് എന്നിവര്‍ രണ്ടും വിക്കറ്റാണ് കരീബിയന്‍ സംഘത്തിനായി നേടിയത്.

Previous articleതന്റെ കുട്ടിയുടെ പേര് ഇമ്രാൻ എന്ന് ഇടാനുള്ള കാരണം വ്യക്തമാക്കി സിപോവിച്
Next articleഗുരുവും ശിഷ്യനും ഏറ്റുമുട്ടുന്ന ഫ്രഞ്ച് ഓപ്പൺ ഫൈനൽ