ദി ഹണ്ട്രഡിലും ടീം വാങ്ങി മുംബൈ ഇന്ത്യൻസ് ഉടമകൾ
ലണ്ടൻ, ജനുവരി 30, 2025 — ഐപിഎൽ ഫ്രാഞ്ചൈസിയായ മുംബൈ ഇന്ത്യൻസിന്റെ ഉടമകളായ റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ) ഇംഗ്ലണ്ടിലെ ദി ഹണ്ട്രഡ് ടൂർണമെന്റിലെ ഫ്രാഞ്ചൈസിയായ ഓവൽ ഇൻവിൻസിബിൾസിൽ 49% ഓഹരികൾ സ്വന്തമാക്കി. ആഗോള ക്രിക്കറ്റിൽ ആർഐഎല്ലിന്റെ ഏറ്റവും പുതിയ നിക്ഷേപമാണിത്.
ഓവൽ ഇൻവിൻസിബിൾസിന്റെ പുരുഷ ടീം ദി ഹണ്ട്രഡിന്റെ നിലവിലെ ചാമ്പ്യന്മാരാണ്, രണ്ടുതവണ കിരീടം നേടിയവരാണ് അവർ. അവരുടെ വനിതാ ടീം 2021 ലും 2022 ലും ഹണ്ട്രഡ് വിജയിച്ചുരുന്നു.
മുംബൈ ഇന്ത്യൻസ് (ഐപിഎൽ & ഡബ്ല്യുപിഎൽ), എംഐ ന്യൂയോർക്ക് (എംഎൽസി), എംഐ കേപ് ടൗൺ (എസ്എ 20), എംഐ എമിറേറ്റ്സ് (ഐഎൽടി 20) എന്നിവയ്ക്കൊപ്പം ആണ് പുതിയ ടീം.