ഐസിസി ലോകകപ്പ് കിരീടം ഇന്ത്യ ഉയർത്താൻ ആണ് സാധ്യത എന്ന് ഇന്ത്യൻ വനിതാ ക്രിക്കറ്റ് ടീം മുൻ ക്യാപ്റ്റൻ മിതാലി രാജ്. സാഹചര്യങ്ങൾ എല്ലാം ഇന്ത്യക്ക് അനുകൂലമാണെന്നും മിതാലി പറഞ്ഞു. ഒക്ടോബർ, നവംബർ മാസങ്ങളിൽ ആയാണ് ഇന്ത്യയിൽ വെച്ച് ലോകകപ്പ് നടക്കുന്നത്.
“ഒരു ഇന്ത്യൻ ക്രിക്കറ്റ് ആരാധകൻ എന്ന നിലയിൽ ഇന്ത്യ ഫൈനലിൽ കളിക്കണമെന്ന് ഞാൻ ആഗ്രഹിക്കുന്നു. അതൊരു വലിയ അവസരമാണ്. ഞങ്ങൾ ആതിഥേയ രാജ്യമാണ്, സാഹചര്യങ്ങൾ ഞങ്ങൾക്ക് അനുകൂലമാണ്.” മിതാലി പറഞ്ഞു.
“ടീം നന്നായി കളിച്ചാൽ, ലോകകപ്പ് ഉയർത്താൻ ഞങ്ങൾക്ക് അവസരം ലഭിക്കും,” വനിതാ പ്രീമിയർ ലീഗ് ഫൈനൽ കാണാൻ ശ്രീനഗറിലെത്തിയ മിതാലി പറഞ്ഞു.