അമ്പയറുടെ തീരുമാനത്തിനെതിരെ പ്രതികരിക്കുകയും വിസ്സമതം കാണിക്കുകയും ചെയ്ത പാക്കിസ്ഥാന് കോച്ച് മിക്ക് ആര്തറുടെ നിലപാടിനെതിരെ ഐസിസിയുടെ നടപടി. മിക്കിയ്ക്കെതിരെ ഒരു ഡീമെറിറ്റ് പോയിന്റും ഔദ്യോഗിക താക്കീതുമാണ് ഐസിസി പ്രഖ്യാപിച്ചത്. സെഞ്ചൂറിയന് ടെസ്റ്റില് 6 വിക്കറ്റിന്റെ വിജയം പാക്കിസ്ഥാനെതിരെ ദക്ഷിണാഫ്രിക്ക നേടിയപ്പോള് ഡീന് എല്ഗാറിന്റെ ക്യാച്ച് അസ്ഹര് അലി എടുത്തത് സംശയാസ്പദമായ രീതിയില് ബാറ്റ്സ്മാനു അനുകൂലമായ വിധി ടിവി അമ്പയര് വിധിച്ചതിനെതിരെയായിരുന്നു പാക്കിസ്ഥാന് കോച്ചിന്റെ പ്രതികരണം.
സോഫ്റ്റ് സിഗ്നല് ഔട്ട് ആയിരുന്നുവെങ്കിലും മൂന്നാം അമ്പയര് ബാറ്റ്സ്മാനു അനുകൂലമായി വിധി പ്രഖ്യാപിച്ചു. ഇതിനെത്തുടര്ന്ന ടിവി അമ്പയറുടെ റൂമിലേക്ക് കയറിയ മിക്കി ആര്തര് അമ്പയര് ജോയല് വില്സണ് തീരുമാനത്തെ ചോദ്യം ചെയ്യുകയായിരുന്നു. മാച്ച് റഫറി ഡേവിഡ് ബൂണ് നിര്ദ്ദേശിച്ച ശിക്ഷ നടപടികള് മിക്കി ആര്തര് അംഗീകരിക്കുകയായിരുന്നു.