2003-04 കാലഘട്ടത്തിൽ മുൻ പാകിസ്ഥാൻ താരം ജാവേദ് മിയാൻദാദ് തന്നെ കുറിച്ച് നടത്തിയ പരാമർശങ്ങൾ തന്റെ പിതാവിനെ വേദനിപ്പിച്ചിരുന്നുവെന്ന് മുൻ ഇന്ത്യൻ ഫാസ്റ്റ് ബൗളർ ഇർഫാൻ പഠാൻ. അന്ന് പാകിസ്ഥാൻ പര്യടനത്തിനിടെ പരിശീലകനായിരുന്ന മിയാൻദാദ് ഇർഫാൻ പഠാനെ പോലെയുള്ള താരങ്ങൾ പാകിസ്ഥാന്റെ ഏതൊരു തെരുവിലും കാണാൻ പറ്റുമെന്ന പരാമർശമാണ് ഇർഫാൻ പഠാന്റെ പിതാവിനെ വേദനിപ്പിച്ചത്.
തുടർന്ന് പരമ്പരയിലെ അവസാന മത്സരം കാണാൻ തന്റെ പിതാവ് പാകിസ്താനിലേക്ക് വരുകയും പാകിസ്ഥാൻ ഡ്രസിങ് റൂമിൽ ജാവേദ് മിയാൻദാദിന്റെ കാണണമെന്ന് പറയുകയും എന്നാൽ താൻ അത് വേണ്ടെന്ന് ആവശ്യപ്പെടുകയും ചെയ്തു. തുടർന്ന് തന്റെ പിതാവിനെ കണ്ട ജാവേദ് മിയാൻദാദ് താൻ അങ്ങനെ ഒരു കാര്യം പറഞ്ഞിട്ടില്ലെന്ന് തന്റെ പിതാവിനോട് പറയുകയും ചെയ്തു. തുടർന്ന് തന്റെ പിതാവ് മിയാൻദാദിനോട് ഒന്നും പറയാൻ വേണ്ടിയല്ല പാകിസ്ഥാനിലേക്ക് വന്നതെന്നും ഒരു മികച്ച കളിക്കാരനെ കാണാൻ വേണ്ടി മാത്രമാണ് വന്നതെന്നും മിയാൻദാദിനോട് പറയുകയും ചെയ്തു.
