മാഞ്ചസ്റ്റര് ടെസ്റ്റിന്റെ നാലാം ദിവസം മഴയുടെ ദിവസമായിരുന്നു. മഴ കാരണം വളരെ കുറിച്ച് മാത്രമാണ് ഇന്ന് മത്സരം നടന്നത്. 30 ഓവർ ആണ് ഇന്ന് ആകെ എറിഞ്ഞത്. 113/4 എന്ന നിലയിൽ ബാറ്റിംഗ് ആരംഭിച്ച ഓസ്ട്രേലിയ ഇപ്പോൾ 214/5 എന്ന നിലയിലാണ്. അവർ ഇപ്പോൾ ഇംഗ്ലണ്ടിന് 61 പിറകിലാണ്. നാളെ അവസാന ആവേശകരമായ് ഫിനിഷ് കാണാൻ ആകും എന്നാണ് പ്രതീക്ഷിക്കപ്പെടുന്നത്.
111 റൺസ് എടുത്ത ലബുഷാനെ ആണ് ഇന്ന് താരമായത്. 173 പന്തിൽ നിന്ന് 111 എടുത്ത താരം റൂട്ടിന്റെ പന്തിലാണ് പുറത്തായത്. 31 റണ്ണുമായി മിച്ചൽ മാർഷും 3 റൺസുനായി ഗ്രീനും ക്രീസിൽ നിൽക്കുന്നു. 18 റൺസ് എടുത്ത കവാജ, 28 റൺസ് എടുത്ത വാർണർ, 17 റൺസ് എടുത്ത സ്മിത്ത്, 1 റൺ എടുത്ത ട്രാവിസ് ഹെഡ് എന്നിവർ ഇന്നലെ തന്നെ പുറത്തായിരുന്നു. റൂട്ടിനെ കൂടാതെ മാർക്ക് വുഡ് മൂന്ന് വിക്കറ്റ് വീഴ്ത്തി. വോക്സ് ഒരു വിക്കറ്റും വീഴ്ത്തി.
592 റൺസിനാണ് ഇംഗ്ലണ്ട് ഇന്നലെ ആദ്യ ഇന്നിങ്സിൽ ഓളൗട്ട് ആയത്. 275 റൺസിന്റെ ആദ്യ ഇന്നിങ്സ് ലീഡ് ഇംഗ്ലണ്ട് നേടിയിരുന്നു.