ന്യൂസിലൻഡ് പേസർ കെയ്ൽ ജാമിസണ് വലിയ തിരിച്ചടി. താരത്തിന് വീണ്ടും ബാക്ക് ഇഞ്ച്വറി ഏറ്റിരിക്കുകയാണ്. ഒരു വർഷത്തേക്ക് താരം ക്രിക്കറ്റിൽ നിന്ന് വിട്ടുനിക്കേണ്ടി വരും എന്നാണ് റിപ്പോർട്ടുകൾ. ദക്ഷിണാഫ്രിക്കയ്ക്കെതിരായ ബേ ഓവലിൽ നടന്ന ആദ്യ ടെസ്റ്റിൽ ആയിരുന്നു 29-കാരന് പരിക്കേറ്റത്. പരിക്കുമായി കളിച്ച താരം ആ മത്സരത്തിൽ ആറ് വിക്കറ്റ് വീഴ്ത്തിയിരുന്നു.
പക്ഷേ ആ പരിക്ക് പ്രശ്നമായതിനാൽ ഹാമിൽട്ടണിൽ നടന്ന രണ്ടാം ടെസ്റ്റിൽ ജാമിസൺ കളിച്ചിരുന്നില്ല. ഇനി ഒരു സീസൺ പൂർണ്ണമായും താരം വിട്ടുനിൽക്കേണ്ടി വരും.കഴിഞ്ഞ വർഷം ജാമിസൺ ബാക്ക് ഇഞ്ച്വറി മാറാനായി ശസ്ത്രക്രിയയ്ക്ക് വിധേയനായിയിരുന്നു. പുതിയ പരിക്കും അതേ ഭാഗത്താണ്.