ഇന്ത്യൻ പ്രീമിയർ ലീഗ് (ഐപിഎൽ) 2023 ലേലത്തിന് മുന്നോടിയായി ഡൽഹി ക്യാപിറ്റൽസ് 5 താരങ്ങളെ റിലീഷ് ചെയ്തു. ശർദ്ധുൽ താക്കൂർ ആണ് റിലീസ് ചെയ്യപ്പെട്ടത്തിൽ പ്രധാനി. നവംബർ 15-ന് മുമ്പ് ക്ലബുകൾ നിലനിർത്തുന്ന താരങ്ങളുടെ ലിസ്റ്റ് കൊടുക്കേണ്ടതുണ്ട്. വിക്കറ്റ് കീപ്പർ-ബാറ്റർ കെഎസ് ഭരത്, ന്യൂസിലൻഡ് വിക്കറ്റ് കീപ്പർ ടിം സീഫർട്ട് , പഞ്ചാബ് ബാറ്റർ മൻദീപ് സിംഗ്, ആന്ധ്രാ ഓപ്പണർ അശ്വിൻ ഹെബ്ബാർ എന്നിവരും റിലീസ് ചെയ്യപ്പെട്ടവരിൽ പെടുന്നു.
ഇന്ത്യയുടെ പ്രധാന ഓൾറൗണ്ടർമാരിൽ ഒരാളായ ഷാർദുൽ താക്കൂറിനെ 10.75 കോടി രൂപയ്ക്ക് ആയിരുന്നു ഡൽഹി ക്യാപിറ്റൽസ് കഴിഞ്ഞ സീസണിൽ വാങ്ങിയത്. എന്നാൽ 2022ൽ ഡൽഹിക്ക് വേണ്ടി കാര്യമായി തിളങ്ങാൻ താക്കൂറിനായില്ല. 14 മത്സരങ്ങൾ കളിച്ചെങ്കിലും അദ്ദേഹം ധാരാളം റൺസ് വഴങ്ങിയിരുന്നു. ബാറ്റു കൊണ്ടും താക്കൂർ ഡെൽഹി ക്യാപിറ്റൽസിൽ പരാജയമായിരുന്നു. അദ്ദേഹം 120 റൺസ് ആണ് ആകെ നേടിയത്.