യുവ സിഎസ്കെ പേസർ മതീശ പതിരണയെ പ്രശംസിച്ച് ഇർഫാൻ പത്താൻ. ഇന്നലെ ഡൽഹി ക്യാപിറ്റൽസിനെതിരെ രണ്ട് വിക്കറ്റ് വീഴ്ത്തിയ പ്രകടനത്തിലൂടെ തന്റെ മികവ് ഒരുക്കൽ കൂടെ തെളിയിക്കാൻ യുവതാരത്തിനായിരുന്നു. പതിരാനയിലൂടെ ഡ്വെയ്ൻ ബ്രാവോയ്ക്ക് പകരക്കാരനെ സിഎസ്കെ കണ്ടെത്തിയെന്ന് ഇർഫാൻ പറഞ്ഞു.
“എല്ലാ ടീമുകളും ഡെത്ത് ഓവറുകളിൽ തങ്ങൾക്കാവശ്യമായ ഒരു ബൗളറെയാണ് തിരയുന്നത്. മുംബൈ ഇന്ത്യൻസിന് മലിംഗ് ഉണ്ടായിരുന്നു, അവർക്ക് ഇപ്പോൾ ബുംറയുണ്ട്. രണ്ട് ഐപിഎൽ സീസണുകളിൽ ട്രോഫി ഉയർത്തിയപ്പോൾ കെകെആറിന് സുനിൽ നരെയ്ൻ ഉണ്ടായിരുന്നു, , സിഎസ്കെക്ക് ബ്രാവോ ഉണ്ടായിരുന്നു, ഇപ്പോൾ അവർക്ക് പതിരണയുണ്ട്.” ഇർഫാൻ പറഞ്ഞു.
പതിരാണ മികച്ച പകരക്കാരൻ ആണ്, കൂടാതെ അദ്ദേഹത്തിന് വേഗതയുമുണ്ട്. പത്താൻ കൂട്ടിച്ചേർത്തു.