15 റണ്‍സ് ലീഡ് നേടി വിന്‍ഡീസ് എ, ഇന്ത്യ എ തകര്‍ന്നു

- Advertisement -

ഇംഗ്ലണ്ടിലെ ബെക്കന്‍ഹാമില്‍ വിന്‍ഡീസ്-ഇന്ത്യ എ ടീമുകള്‍ തമ്മിലുള്ള അനൗദ്യോഗിയ ടെസ്റ്റിന്റെ ആദ്യ ദിനത്തില്‍ ഇന്ത്യയ്ക്ക് ബാറ്റിംഗ് തകര്‍ച്ച. ഇന്ത്യയെ 133 റണ്‍സിനു ഓള്‍ഔട്ട് ആക്കിയ വിന്‍ഡീസ് ഒന്നാം ദിവസം കളി നിര്‍ത്തുമ്പോള്‍ 15 റണ്‍സിന്റെ ലീഡ് ഉള്‍പ്പെടെ 148/3 എന്ന നിലയിലാണ്. സുനില്‍ അംബ്രിസ്(24*), ഷംറ ബ്രൂക്ക്സ്(51*) എന്നിവര്‍ 66 റണ്‍സ് നാലാം വിക്കറ്റ് കൂട്ടുകെട്ടുമായി ക്രീസില്‍ നില്‍ക്കുകയാണ്.

ചന്ദര്‍പോള്‍ ഹേംരാജ്(42), ജെര്‍മൈന്‍ ബ്ലാക്ക്‍വുഡ്(18), ജോണ്‍ കാംപെല്‍(2) എന്നിവരാണ് പുറത്തായ താരങ്ങള്‍. ഇന്ത്യയ്ക്കായി അങ്കിത് രാജ്പുത് രണ്ടും ഷഹ്ബാസ് നദീം ഒരു വിക്കറ്റും നേടി.

നേരത്തെ ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ 42.1 ഓവറില്‍ 133 റണ്‍സിനു ഓള്‍ഔട്ട് ആവുകയായിരുന്നു. 37 റണ്‍സ് നേടിയ ഹനുമ വിഹാരിയാണ് ഇന്ത്യയുടെ ടോപ് സ്കോറര്‍. വിജയ് ശങ്കര്‍(34), കരുണ്‍ നായര്‍(20), ഷഹ്ബാസ് നദീം(15) എന്നിവരാണ് രണ്ടക്കം കടന്ന മറ്റു താരങ്ങള്‍.

വിന്‍ഡീസിനായി ചെമര്‍ ഹോള്‍ഡര്‍, ഷെര്‍മന്‍ ലൂയിസ് എന്നിവര്‍ നാല് വീതം വിക്കറ്റും റായ്‍മോന്‍ റീഫര്‍ രണ്ടും വിക്കറ്റ് നേടി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement