ഐപിഎൽ 2024 ന് മുന്നോടിയായി മുംബൈ ഇന്ത്യൻസ് ക്യാപ്റ്റൻ ഹാർദിക് പാണ്ഡ്യയ്ക്കെതിരെ രൂക്ഷ വിമർശനവുമായി മുൻ ഇന്ത്യൻ പേസർ പ്രവീൺ കുമാർ. ആഭ്യന്തര ക്രിക്കറ്റ് കളിക്കാനും ഇന്ത്യൻ ടീമിനെ പ്രതിനിധീകരിക്കാനും ഹാർദിക്കിന് മടിയാണെന്നും പണമാണ് താരത്തിന് പ്രാധാന്യം എന്നും പ്രവീൺ കുമാർ പറഞ്ഞു.
“ഐപിഎല്ലിന് രണ്ട് മാസം മുമ്പ് നിങ്ങൾക്ക് പരിക്കേറ്റു, നിങ്ങൾ രാജ്യത്തിന് വേണ്ടി കളിക്കില്ല, ആഭ്യന്തര ക്രിക്കറ്റിൽ നിങ്ങളുടെ സംസ്ഥാനത്തിന് വേണ്ടി കളിക്കില്ല, ഐപിഎല്ലിൽ നേരിട്ട് കളിക്കുക ആണ് ലക്ഷ്യൻ. അങ്ങനെയല്ല കാര്യങ്ങൾ ചെയ്യേണ്ടത്.” പ്രവീൺ കുമാർ പറയുന്നു.
“പണം സമ്പാദിക്കുക ആണ് ലക്ഷ്യം, അതിൽ തെറ്റൊന്നുമില്ല. പക്ഷേ നിങ്ങൾ സംസ്ഥാനത്തിനും രാജ്യത്തിനും വേണ്ടി കളിക്കണം, ഇപ്പോൾ ആളുകൾ ഐപിഎല്ലിന് മാത്രമാണ് പ്രാധാന്യം നൽകുന്നത്” – പ്രവീൺ പറഞ്ഞു.