പാക്കിസ്ഥാന് യുവ താരം ഹൈദര് അലിയുടെ ഷോട്ട് സെലക്ഷനുകള് ഇനിയും മെച്ചപ്പെടാനുണ്ടെന്ന് പറഞ്ഞ് മുന് താരം മുഹമ്മദ് യൂസഫ്. പാക്കിസ്ഥാന് സൂപ്പര് ലീഗിലെ തന്റെ ആദ്യ മത്സരത്തില് പരാജയപ്പെട്ട ശേഷം മികച്ച ഫോമിലേക്ക് ഉയര്ന്ന താരം പാക്കിസ്ഥാന്റെ ഭാവി പ്രതീക്ഷകളില് ഒരാളായാണ് വാഴ്ത്തപ്പെടുന്നത്.
എന്നാല് മുഹമ്മദ് യൂസഫിന്റെ അഭിപ്രായത്തില് താരം വളരെ അധികം ഷോട്ടുകള് കളിക്കുന്നുണ്ടെന്നും താരം ഷോട്ട് സെലക്ഷനില് കൂറച്ച് കൂടി മെച്ചപ്പെടാനുണ്ടെന്നുമാണ്. താരം തന്റെ ടെക്നിക്ക് മെച്ചപ്പെടുത്തിയാല് തന്റെ കളി മൊത്തതില് മാറ്റി കൂടുതല് മെച്ചപ്പെട്ട താരമായി മാറുമെന്നും മുന് പാക്കിസ്ഥാന് ബാറ്റിംഗ് നെടുംതൂണ് പറഞ്ഞു.
ഹൈദര് അലി ലോകത്തിലെ മികച്ച താരങ്ങളായ വിരാട് കോഹ്ലി, സ്റ്റീവന് സ്മിത്ത്, ബാബര് അസം എന്നിവര് എങ്ങനെയാണ് ബാറ്റ് ചെയ്യുന്നതെന്ന് കൂടുതലായി ശ്രദ്ധിക്കണമെന്നും മുഹമ്മദ് യൂസഫ് വ്യക്തമാക്കി.