ഇംഗ്ലണ്ട് പരമ്പരയെക്കാള് മുഖ്യം താരങ്ങളുടെ സുരക്ഷ, അതിന് ഉറപ്പ് ലഭിച്ചാല് പരമ്പരയുമായി മുന്നോട്ട് പോകാം – ബാബര് അസം
പാക്കിസ്ഥാന്റെ ഇംഗ്ലണ്ട് പര്യടനം നടക്കുമോ ഇല്ലയോ എന്ന ചര്ച്ചകളുമായി ഇംഗ്ലണ്ട് പാക്കിസ്ഥാന് ബോര്ഡുകള് മുന്നോട്ട് പോകുമ്പോളും ഇപ്പോള് ക്രിക്കറ്റല്ല താരങ്ങളുടെ ജീവനാണ് കൂടുതല് വിലയെന്ന് പറഞ്ഞ് പാക്കിസ്ഥാന്റെ പുതിയ നിയുക്ത ഏകദിന ക്യാപ്റ്റന് ബാബര് അസം.
താരങ്ങളുടെ സുരക്ഷയുടെ ഉറപ്പ് ഇരു ബോര്ഡുകളും തന്നാല് മാത്രമേ പരമ്പരയുമായി മുന്നോട്ട് പോകുകയുള്ളുവെന്ന് ബാബര് അസം പറഞ്ഞു. നിലവില് ഒരു കാര്യവും ജീവനെക്കാള് വിലയുള്ളതല്ല. സുരക്ഷിതത്വമാണ് ഏറ്റവും മുന്നില് നില്ക്കേണ്ട കാര്യം. അതിന്മേലുള്ള വ്യക്തമായ ഉറപ്പ് ബോര്ഡില് നിന്ന് ലഭിച്ചാല് പരമ്പര സാധ്യമാകുമെന്നും ബാബര് വ്യക്തമാക്കി.