ന്യൂസിലാണ്ട് ഓള്‍റൗണ്ടര്‍ മൈക്കൽ ബ്രേസ്വെല്ലിന് ലോകകപ്പ് നഷ്ടമാകും. ഇംഗ്ലണ്ടിൽ നടക്കുന്ന ടി20 ബ്ലാസ്റ്റിനിടെ താരത്തിന് പരിക്കേറ്റതാണ് തിരിച്ചടിയായിരിക്കുന്നത്. ആറ് മുതൽ എട്ട് മാസത്തോളം താരം കളത്തിന് പുറത്തിരിക്കേണ്ടി വരുമെന്നാണ് ലഭിയ്ക്കുന്ന വിവരം. ബ്രേസ്വെല്‍ നാളെ യുകെയിൽ ശസ്ത്രക്രിയയ്ക്ക് വിധേയനാകുമെന്നാണ് ലഭിയ്ക്കുന്ന വിവരം.
നേരത്തെ കെയിന്‍ വില്യംസണും പരിക്കേറ്റ് ലോകകപ്പിൽ കളിക്കുവാന്‍ സാധ്യതയില്ലെന്നതിനാൽ തന്നെ ഇത് ന്യൂസിലാണ്ടിന് കനത്ത തിരിച്ചടിയാണ്. മാര്‍ച്ച് 2022ൽ ഏകദിന അരങ്ങേറ്റം കുറിച്ച മൈക്കൽ ഇതുവരെ 19 ഏകദിനങ്ങളിൽ കളിച്ചിട്ടുണ്ട്. ഇക്കഴിഞ്ഞ ജനുവരിയിൽ ഇന്ത്യയ്ക്കെതിരെ 78 പന്തിൽ നിന്ന് 140 റൺസ് നേടിയതാണ് താരത്തിന്റെ ശ്രദ്ധേയമായ പ്രകടനം.
