വിദേശ ലീഗുകളില് ഇന്ത്യന് താരങ്ങളെ പങ്കെടുക്കുവാന് അനുവദിക്കണമെന്ന ഇര്ഫാന് പത്താന്റെയും സുരേഷ് റെയ്നയുടെയും ആവശ്യത്തിന് മറുപടിയുമായി ബിസിസിഐ. ബിസിസിഐയുടെ ഒരു വക്താവാണ് ഇവര്ക്ക് മറുപടി നല്കിയത്. ഇപ്പോളത്തെ സ്ഥിതിയില് ബിസിസിഐയുടെ ലക്ഷ്യം ഐപിഎലിന്റെ പ്രൊമോഷനാെന്നും ഇന്ത്യന് താരങ്ങള് വിദേശ ലീഗില് കളിക്കാത്തതാണ് നല്ലതെന്നും അദ്ദേഹം പറഞ്ഞു.
ഇന്ത്യന് ബോര്ഡിന്റെയും ക്രിക്കറ്റിന്റെയും പക്ഷത്ത് നിന്ന് ചിന്തിക്കുമ്പോള് ഇത് ശരിയാണങ്കിലും റിട്ടയര്മെന്റിനോട് അടുത്ത് നില്ക്കുന്നവര്ക്ക് ഇത്തരത്തില് എതിരഭിപ്രായം ഉണ്ടാകുന്നത് സ്വാഭാവികമാണെന്നും ഈ പേര് വെളിപ്പെടുത്താത്ത ബിസിസിഐ വക്താവ് പറഞ്ഞു. അതവരുടെ കാഴ്ചപ്പാടാണ് അവര്ക്ക് ആ രീതിയില് ചിന്തിക്കുവാനുള്ള എല്ലാവിധ അവകാശങ്ങളുണ്ടെന്നും ഈ വ്യക്തി പറഞ്ഞു.
ഇന്ത്യയില് കേന്ദ്ര കരാര് ഇല്ലാത്ത താരങ്ങള്ക്കും ഐപിഎലില് ഭേദപ്പെട്ട ഒരു തുക കിട്ടുന്നുണ്ടെന്നും ഇതെല്ലാം ബിസിസിഐയുടെ നിലപാടുകള് കൊണ്ടാണെന്നും ബിസിസിഐ വക്താവ് വ്യക്തമാക്കി.