ശ്രീലങ്കയുടെ സ്പിന്‍ താരം അകില ധനന്‍ജയയ്ക്ക് ഏകദിന ബൗളിംഗ് റാങ്കിംഗില്‍ കയറ്റം. തന്റെ കരിയറിലെ ഏറ്റവും മികച്ച ഏകദിന റാങ്കിലേക്കാണ് താരം തന്റെ 6 വിക്കറ്റ് പ്രകടനത്തിലൂടെ എത്തിയത്. കൊളംബോയില്‍ നടന്ന അവസാന മത്സരത്തില്‍ 29 റണ്‍സിനു ആറ് വിക്കറ്റ് നേടിയതിലൂടെ 22 സ്ഥാനങ്ങള്‍ ഉയര്‍ന്ന് 21ാം റാങ്കിലാണ് താരം എത്തിയിരിക്കുന്നത്. പരമ്പരയില്‍ അകില ധനന്‍ജയയ്ക്ക് 14 വിക്കറ്റുകളാണ് നേടാനായത്. 600 റേറ്റിംഗ് പോയിന്റുകളാണ് താരത്തിനുള്ളത്.
അഞ്ച് മത്സരങ്ങളുടെ പരമ്പരയില്‍ 3-2നു ദക്ഷിണാഫ്രിക്ക ജയിക്കുകയായിരുന്നു. ആദ്യ മൂന്ന് ഏകദനിങ്ങളും ജയിച്ച് പരമ്പര നേരത്തെ സ്വന്തമാക്കിയ ദക്ഷിണാഫ്രിക്കയെ അവസാന ഏകദിനങ്ങളില്‍ ശ്രീലങ്ക പരാജയപ്പെടുത്തി മികച്ച തിരിച്ചുവരവാണ് പരമ്പരയില്‍ നടത്തിയത്.
ദക്ഷിണാഫ്രിക്കന്‍ ഫാസ്റ്റ് ബൗളര്‍ 57 സ്ഥാനങ്ങള്‍ മെച്ചപ്പെടുത്തി 88ാം സ്ഥാനത്ത് എത്തിയിട്ടുണ്ട്. പരമ്പരയ്ക്കിടെ 10 വിക്കറ്റുകളാണ് താരം നേടിയത്. അതേ സമയം സഹതാരവും ടീമിലെ സ്പിന്നറുമായ തബ്രൈസ് ഷംസിയുടെ അഞ്ച് വിക്കറ്റുകള്‍ താരത്തെ റാങ്കിംഗില്‍ നൂറാം സ്ഥാനത്ത് എത്തിച്ചു. 47 സ്ഥാനങ്ങളുടെ വര്‍ദ്ധനവാണ് താരത്തിനുണ്ടായിരിക്കുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
