ഷാക്കിബ് മടങ്ങിയെത്തുന്നു ബംഗ്ലാദേശിനെ നയിക്കാനായി

Sports Correspondent

Download the Fanport app now!
Appstore Badge
Google Play Badge 1

സിംബാബ്‍വേ ടെസ്റ്റ് പരമ്പരയില്‍ നിന്ന് പരിക്ക് മൂലം വിട്ട് നിന്ന ഷാക്കിബ് അല്‍ ഹസന്‍ വിന്‍ഡീസ് ടെസ്റ്റ് പരമ്പരയ്ക്കുള്ള ടീമിലേക്ക് മടങ്ങിയെത്തി. ടീമിനെ ഷാക്കിബ് തന്നെ നയിക്കും. നവംബര്‍ 22നു ചിറ്റഗോംഗില്‍ ആരംഭിക്കുന്ന ടെസ്റ്റിലേക്കുള്ള 13 അംഗ സ്ക്വാഡിനെയാണ് ബംഗ്ലാദേശ് പ്രഖ്യാപിച്ചിരിക്കുന്നത്. ഏഷ്യ കപ്പിനിടെ പരിക്ക് വഷളായി വിടവാങ്ങിയ താരം പിന്നീട് ശസ്ത്രക്രിയയ്ക്ക് വിധേയനാകുകയായിരുന്നു. പാക്കിസ്ഥാനെതിരെയുള്ള സൂപ്പര്‍ 4 മത്സരത്തിനു മുമ്പാണ് ഏഷ്യ കപ്പില്‍ നിന്ന് ഷാക്കിബ് മടങ്ങിയത്.

ദക്ഷിണാഫ്രിക്കയ്ക്കെതിരെ 2017ല്‍ അവസാനമായി ടെസ്റ്റ് കളിച്ച സൗമ്യ സര്‍ക്കാര്‍ ടെസ്റ്റ് ടീമില്‍ ഇടം പിടിച്ചിട്ടുണ്ട്. അതേ സമയം ലിറ്റണ്‍ ദാസിനെ ടീമില്‍ നിന്ന് ഒഴിവാക്കി.

സ്ക്വാ‍ഡ്: ഷാക്കിബ് അല്‍ ഹസന്‍, സൗമ്യ സര്‍ക്കാര്‍, ഇമ്രുല്‍ കൈസ്, മുഹമ്മദ് മിഥുന്‍, മോമിനുള്‍ ഹക്ക്, മുഷ്ഫിക്കുര്‍ റഹിം, ആരിഫുള്‍ ഹക്ക്, മഹമ്മദുള്ള, മെഹ്ദി ഹസന്‍, മുസ്തഫിസുര്‍ റഹ്മാന്‍, തൈജുല്‍ ഇസ്ലാം, സയ്യദ് ഖാലിദ് അഹമ്മദ്, നയീം ഹസന്‍